Friday, August 17, 2012

Ka chetchhiatna 2

1. Tumkhat chu Lunglei bul lawk thingtlang khaw pakhat motor luh lohna khua ah kan zin a, ke a darkar 4 vel kal ngai ania. Kal chau ve lutuk a, kan veng kan thleng a, zanah Kohhran Thalai sumtuak bawngtalh in kan tlaivar a, mu lo tlang zelin football kan khel zui nghal a. Zanah ka thian pa te inah ka leng phei chu an thutthlengah hian ka mu zal mai mai a. Thingpui i duh em? an rawn tih hi chu kala hre riai ruai a, a hnu a ka harh leh meuh chuan khua alo var uarrrr tawh. Blanket hi kalo sin than mai ah...ka muthilh hlana minlo buaipui dan tur kha ka ngaihtuah a, ka zak ve chem chem mai..hehe

2. Vawikhat chu ka nula rimna ah cigarette ka zu duh khan ashtray ka dil a, cushion chungah khan a rawn dah mai a. Dahsawn ta lemlo chuan kalo hmang nghal mai a. Ka hriatloh hlanin cig chu cushion ah alo lumthla chu lo niin.. ka hmuh leh meuh chuan 1inch bial zet hi cushion chu lo kaw duai tawh mai ah... zahthlak duh chem chem... ka nula rim khan hmangchang lo hre hlauh a, cushion kha a letling thawk a, ngaihthha tak chuan ka awm ve ta mai2 a...hahaha
             Mahse kan thian 1 ai chuan ala zia in  ka hria..ani chu a lenna turte ui note doormat bula lo bawk lu a rap keh pep...:)


3. Post hmasa lama ka sawi tawh parda ka nghen thlakna khua ah bawk khan zan1 chu nula rim tumin ka chhuak leh a lawm mawle. Chhunlama ka kal khan culvert tur laih mek a awm a, a helna a diak avangin rahchhan tur mau pum4 vel an kham tih ka hria a..Zanah chuan current awm hek lo, khua a dur deuh vangin thla eng der bawk silo.. thim mup mai sia...culvert siamna laivel ka thlen chuan mau kham chu kan zawng deuh a, hmuh theih der si loh...culvert laihkhuar kha ka thleng dawn tawh tih ka hria a, kawl hi a phe zuai2 bawk a, kawlphe engah chuan culvert laih chu ka hmu thei a, a en leh velh ka enchiang ang a ka zuankan ang ka tia.. alo phe leh zuai tih ah a kawr lehlam tlang chu ka chhinchhiah ran2 , ka'n zuang ta mai aleh...zuan kan lo nasa mai...nak sawh dawt in kawr ah chuan ka tla lut a. A pilh ve hrit hret a. Ka len tumna a hnai tawh bawk a, ka leng zui ta tho a..:) Current awmloh vangin ngaihtha tak chuan ka thu ve reng a. Current awm ta, ka'n in enchiang chu..ka nak sawhna dinglam pang ka t-shirt hak chuuuu... chirh lo kai luaiiii mai lo niin...lenrei chi loh ngei mai...hehehe

              Hetia ka zuan sual hnu hian k lenna tur ka thlen hnuah ka kut vel a kai kha silfai tumin current awmloh vangin an bati kha tuikhawihna ah ka keng phei a. ka laklet leh theihnghilh a. An pa ber in ring leng lawng in, tunge bati hi heeetah dah daih,ava tangkai lo ve" an ti leng2 mai ah...hahaha

Friday, July 6, 2012

Ka Chetchhiatna thenkhatte...(to be contd..)

1. Aizawl - Lunglei via Serchhip kawng lama kal thin lai khan a nia, a inkar khaw pakhat ah hian leimin vangin kan tang a lawm mawle. Kan chhungte inah ka innghat a, zanah nula rim turin chhuak ve ngei mai a. Kan lenna inah khan thingrem sei hi thutna atan an hmang a, chumi ah chuan ka thu a. Ka kawngkham deuh khan tukverh biang hi ka zuk ngheng ar2 a, ka ring kham deuh kha kan vanvadak deuh thut mai aleh..tukverh biang ka nghen lai khan an parda kalo ngheng mar po tawh lo ni in, kan dak leh ta kher kha parda zarna lam khan a dawl ta ngang lo a, a rawn tla thla ta, min rawn khuh ta dang mai ah...zahthlak duh chem2.... parda ka'n keu a, inleng dang ho lo nui thraw chuh...hehhe..a hnu ah checker kan khel dawn a, ngaihtuah miah lo in a lung kan bun ringawt ah...an chhuatlaiah checker lung a zuang suau2 mai mawle..hehehe
2. Tum khat football kan khel chuh.... Kan thianpa 1 khan goal ah a shot a, keeper alo up tawh avangin goal chu a ruak vek tawh a. Kan thianpa goal shot kha goal mouth ah khan a kal ta silo. Kei alo awmhnai ber chuan tih goal ngei tumin kava tlan vak a. Ball kha goal lam hawia ka deh (touch) hrim2 chuan goal mai tawh tur ani. Kava su ta pawp mai a, ka sipisial point tak mai hian kava su ta aleh...a goal chu a goal ngei mai...thiante an rawn tlankhawm laih2...celebrate chu khawilamah...kalo indawm kun ngawih2 mai mawle...hehehe...PET GOAL DAN NUAM LO TAK ANI...hehehe
3. Vawi1 leh pawh boat race an tia, mautlawn hi mi9 in kan kapzeh a, a hnungzawngin kan tlan a, chutia intlansiak tur chu a nia...a hmawr ah driver tur 1 a nawrtu awm bawk tur kha a nia. Ka teammate te kha khan sang tak2 vek anlo ni sia..Kan han tlan tan kha, a kapfual ber khan ka tuar ta tlat mai...ka something MU kha mau ah khan a in roll ta nawk nawk2 mai ah....Ava na duh tak em awwww...a changin mau ah khan ka innem kang ringawt a. midang8 lai an awm avang khan min zo viau na a, elpui dang neia 1-na nih ngei tum tan chuan thiante ritchawi teltir chi nisi lo...kan driver(a nawrtu) lah chuan 1-na kan ni dawn tlan thuai2 ang lo ti sek si nen...tlan kan tum veleh a, in roll nawk2 zel bawk si...khatiang reng2 a intlansiak rei kha aw...hehehe

Thursday, December 29, 2011

Ka lung a leng tlat...


Ka lung a leng tlat… ka ziak lo theilo a ni. Zamual min liamsan tate hming pawh sawilan a ngai, anmahni nghilh lohna’n ka hlan nghal e.
He khawvelah hian reilote hun kan hman ve chhung hian, theihnghilh daih atana kan duh alo tam ve tak viau hi chuan kan kum pawh hi alo tlem tak tak thei tawh bik lo. Kum ala tlem a, ngaihtuahna thianghlim tak kan hman ve theih hunlai kha, kohkir theih nise ka in sengso huai ngam ve ngawtin ka ring thin.
Zotlang primary School 1 hi Pu hlira Sikul, ps-2 hi Pu kunga sikul a nih hunlaia ka(n) huntawng ve te khan ka lung a ti leng ve pha ta tlat mai nia mawle. Sikul naupang, primary school naupang kan ni a, Pu Kunga Sikul ah kan kal ve thin. Nitin a naupang za rual dawn mai kan awmkhawm kha chu a lo in ngeih reng theih bik loh. In tihbuai chang alo awmlo theilo a, chutiang alo thlen apianga kan inthelhna chu, ‘dar thum banah, tlangah…’ tiin a lian zawk te’n thu an pawtchat a, dar thum ban ni thuai thuai se hmuhnawn en tur a awm tiin a insual lo tur zawkte kha kan phur em em ringawt tawh mai a. Ngam/Cho lutuk chiah lohte nen a intihbuai fuh tum erawh chuan hun kha a kalchak duh duak duak riau zel nia mawle. Tum khat chu, tuna tourist lodge building thar vel hi nita in ka hria… Insual tur pair hmasa zawkte kha an han intin uaih uaih hman tawh, an han inhnial leh rih a, an inhnial an inhnial a, an inhnial lungawi ta mai sia. Entur kha kan kawt ta der mai. A lian deuh ho te khan insual tur dang inla awm em an han ti a. Chawhma lama lo inhnial thinrim, mahse lo theihnghilh leh vek tawh a lo thu ho leh tham tawhte kha’n an hrechhuak a, an han incho thar leh ta vel thung a. An incho lutuk chiah lo nge ni, kan beisei ai khan a action lampang kha kan hmu har a, kan thianpa pakhat lo phur lutuk khan pakhat zawk hnungah ava nam thut mai a, an intauh bawp mai a. insual tur te chu inkhawih zui tawh mai awm kha nia, a namtu kha an um rawn ta thung hlauh mai a. An in thlengin insual tum pahnih te chuan anmahni namtu chu an um haw dun ta diai diai mai, a entumtu te chu kan hawi lawl lawl mai ani. Khang hun lai khan Pathian thu ‘In thinrim Ni in tlakpui suh se’ tih hi kanlo zawm tha ber awm e.
Tuichawi tur a nih chuan Zotlang kham, kawngchhak lama tuikhur, ‘Kawngtui’ kan tih mai kha a lun thei let let hle mai a. Khami tuikhur ringtu chhungkua te tan chuan kan sikul tuichawi ni kha a huphurhawm thin ngawtin ka ring leh hnuhnawh. Mak ve deuh mai mai chu, engatinge ‘Khap’ anih chiah khan ‘Tih’ kha a chakawm em em mai le..Marble/Rubber hmanga inthap kha kan uar viau a, kan zirna in a tuar dawn a an hriat hnuah zirtirtute’n an han khap a. An khap chiah atang khan an hmuh loh chinah a hma zawng a inthap ngai hleilo khan kan han inthap chiam kher zel. In sakawr chungchuan vanga tlasual kan awmlohnan sikul tih awihloh an tia, an hmuh loh chinah la chuang ru ur ur zel. Pu Kunga’n, “intihluih leh chuan ka hlap thla tawp ang che u” a tih meuh kha chuan kan tilui ngam talo. Kan chak talo anilo, kan ngam ta ngang lo ani.
Kan zingah khan inti tlangval uaih uaih tawh te pawh an awm ve hman tlat. Kan thianpa pakhat kha Camp ah alut a, a rawn piangthar chhuak. Sikul a rawn kal leh hmasak ber ni khan a piangthar lo chhaih kha a sikul naupang puite zingah chakna nasa taka lo piang nghal a. Piangthar chuan mi vel lo tur ah kan ngai nghet bur vang kha ni berin a lang. Mi velh leh chhaih huat kha pianthar lehlohna ni dawn tase chuan, kan thianpa tan kha chuan a thiante ho zawng zanwg deuh thaw kha thlemna hlawm hlir kan ni ringawt mai.
‘Lal’ alo kal dawn tih kha chuan, a lokal tuk kha chhuti ni ni torah kan ngai nghet bur. Naupang zinga a ziak nalh deuh ber kha an han thlangchhuak a, chhuti dilna alo ziak a, minlo tlawhtu tur ‘Lal’ kha chhuti min pe thei khawp a Lal niin kan ngai hmiah, ani emaw nilo emaw, chhuti kha min pe ngei ngei turah kan ngai tawp mai.
Tumkhat leh thung kha, pawlli hoin nita in ka hria, kawmzawl a ‘helicopter en’ kha an dil a. naupang zual ho zingah an rawn sawi darh a, kan han phur nasa mai mai khawp a. Mahse zirtirtu ho khan an han ngaihtuah ngial a, a naupang nawi zual ho min awltir a, khawiva khawhthla kha an enpui ta teh daih. A en pha velo hoin hrehawm kan tihzia, a en pha hoin an rawn haw hnua an thil hmuh, a tak aia uar maha an han sawichhawn kan han ngaithla kha, ‘A lian pawl’ nih ve kha min vahan nghahhlelh tir tehreng em aw…
Thu inralkah pui pui sawi teh ang. Tumkhat leh thung chu Rangva phek hian leivung kan zawn a, kan zawn laklawh em em laiin ka vawnna kan thlah thut mai a. Kan thianpa pakhat phei chu tun thleng hian a ke zungtang ala ser phah a ni awm e. Pu thangkhuma te in lampang hnaih a building an sak lai sawn a satu Vai mistiri in a beam chhunna thingphek a karphawh lain a bulah kalo vakal teh ngawt a, ani’n a kar pial ta si a, a thirtiang hmawrin kalu ah tak mai a kuk lawlh mai chu..a thi duh per per teh mai sin le.
Sikul naupang thenkhat khan kan zirtitu pakhat te huan thei khan a lo ru pek a lawm le. Devotion zawh ah khan an hrem a. Hremna an pek zawh khan an ruksak kan zirtirtu kha an ko a, ani chuan, “kei chuan ka ngaidam che u a, Pathian in a ngaidam ve ang che u ange maw?” a rawn tita cheu cheu mai ah…A rutu te ho tan khan zamawm ve duh ngawtin ka ring.
Ngawi teh u, duhtawk dawn teh ang. Heng kan panlai hun hlimawm te hi ngaihawm a chang zo ve tar eng mai. He thuziak hian mi pakhat tal han cho chhuak ve teh hram sel aw… A tul dan a zirin kan la chhunzawm le hang. Middle School, tuna carey English School hmun a a awmlai chanchin pawh ziah tur ala awm nual. Tin, tuna kan sawi sikul chanchin pawh hi tam fe chu ala awm ang, midang khek vet eh ang. Pro pastor V.thlamuana ban kawih chhan te, chawngzawng pakhat buhchiar thu te, insual tur leh a en tur a sikul kawmchhak theipui kung a iron Rod in bang a uai chhoh kher (a bul lawk step a kal mai lovin) thute leh thudang tam tak pawh sawi tur ala awm kha maw…

Thil zawnna